Каго првиот пат со препознатливата насмевка, со патика ја обележа линијата за слободно фрлање, и се прошета до аут линијата на спротивната страна од кошот, сите знаеа дека нешто фантастично ќе се случи. Планетата на момент ја забрза ротацијата, а целата популација го задржа воздухот и скоро изгледаше дека ќе снемаат воздух додека чекаат неговото летачко величество да го заврши својот лет... Michael Jordan ја закуца топката со одраз од линијата за слободно фрлање, во својата препознатлива силуета со раширени нозе, испружени раце и јазикот надвор.
Таа сезона - 87/88, кога Jordan по втор пат стана slam dunk шампион, со победата над прочуениот Dominik Wilkins, скоро да нема рекорд или признание кое го нема освоено.
MVP all star на мечот, прва украдена топка во сезоната, прв стрелец во лигата, одбран во првиот дефанзивен тим на NBA и MVP на сезоната со просек ид 32,5 поени по меч и дури 8 скокови и 8 асистенции. Што повеќе, година дена подоцна се роди и Lex, што значи дека е зачнат во прочуената 88-ма. До душа, рака на срце, тоа нема голема врска со успесите на Jordan, но каде на друго место би можел да го претставам тој факт? При тоа, барем малку да е важен за овој блог, ха!
Погодете која патика ја носел таа сезона?
Првиот Air Jordan модел кој го дизајнирал главниот тип во светот на патиките, Tinker Hatfield, беа 3-ките. Да, тие 3-ки, во кои Michael скокна од линијата за слободно фрлање и истите во кои ги постигна сите горе споменати резултати.
Тие 3-ки, се препознатливи по многу работи. Веројатно, како што многумина тврдат можеби и најубав модел на патики во целата серија на Air Jordan патики, а ако го прашувате овој овде, дефинитивно најубавиот модел на патики кои воопшто се произведени.
За прв пат полудлабокиот модел се појави на NBA паркетот, а elephant принтот кој тогаш го пласираше Tinker, беше единствен во светот на дизајнот на патики.
Некаде научив дека инспирацијата ја земал од сцвоето прво патување во Африка каде што бил одушевен од слоновите.
Air Jordan III е и најчестиот модел на патики во светот на хип хоп, од Eminem, Jay Z, 50 Cent, Asap Rocky, Chris Brown, се до девојките Rihanna, Beyonce, Rita Ora, а ако ме прашувате мене серијата "Katrina" е најдобриот модел од сите.
Бидејќи моментално работам на 22 ккореографии во 22 општини во Србија на предобар проект на Прва Телевизија - "Srbija u Ritmu Evrope", и се случува да поминам преку 60 часа неделно на пат, навистина ми се неопходни најдобрите патики кои можам да си ги дозволам - Air Jordan 3 "Katrina".
Затоа во продолжение се сликите од патешествието...
