Есента има посебно место во моето срце. Ги обожавам оние утра кога воздухот е малку свеж, но сонцето сè уште е доволно топло за да можам да уживам во кафето надвор. Кога ќе ја извадам омилената тренерка од плакарот, ќе облечам нешто удобно и ќе се упатам кон градот. Без големи планови — понекогаш, прошетка, добро кафе и малку време за себе се сè што ми е потребно.
Во вакви денови посегнувам по парчиња облека во кои се чувствувам опуштено. Малку пошироки кроеви, неколку слоеви и патики што го заокружуваат целиот изглед. Оваа есен, тука настапуваат ASICS GEL-NYC.
Она што најмногу го сакам кај есенските комбинации е играта со текстури. Мека тренерка, широки панталони, чорапи што ѕиркаат над патиките… Сè изгледа лежерно, со вистинска доза урбан стил.
ASICS GEL-NYC совршено се вклопуваат во таа атмосфера. Нивната слоевита силуета и препознатливиот ѓон му даваат карактер дури и на наједноставниот аутфит.
Ме привлекува и нивниот ретро изглед. При дизајнирањето на GEL-NYC, ASICS инспирацијата ја црпи од своите легендарни модели на патики за трчање, комбинирајќи ја со современи дизајнерски елементи. Резултатот е препознатливиот стил на патиките од раните 2000-ти, кој одлично се вклопува со денешните опуштени комбинации.
Сакам да ги комбинирам со парчиња што им оставаат простор да дојдат до израз. Широки панталони, едноставен горен дел и неколку внимателно одбрани детали. Кога се облекувам, сакам едноставно да ја составам комбинацијата и да излезам, без постојано да местам нешто или да се прашувам дали сè се вклопува.
Мојот идеален есенски ден е прилично едноставен: малку сонце, прошетка низ градот, пауза за нешто топло и друштво поради кое заборавам да го погледнам телефонот. Сакам да бидам надвор, да ги набљудувам промените во градот и максимално да ги искористам оние часови кога светлината е особено убава.
ASICS GEL-NYC совршено се вклопуваат во мојата есенска приказна: удобни парчиња, опуштен аутфит и малку street-style енергија. Токму така сакам да се облекувам оваа сезона.
Until next time,
Maja
