Ако постои пар обувки кој во последно време ми ја решава секоја дилема „што да облечам денес“, тоа без сомнение се Adidas Samba OG. Тоа се едни од оние патики што ги обуваш еднаш – и веднаш се прашуваш зошто не си ги купил порано. Минималистички се, а сепак доволно впечатливи за да го дефинираат целиот аутфит.
Прво и најважно – удобноста. Samba OG се ниски, лесни и многу пријатни за носење, дури и кога сум цел ден на нозе. Кожниот горен дел убаво се прилагодува на стапалото, додека гумениот ѓон овозможува одлично прилепување и стабилност. Ова не се патики што се носат само „за убавина“, туку се докажуваат во пракса – без разлика дали станува збор за градски прошетки, завршување обврски, кафе во град или целодневни авантури.
Она што навистина ме воодушевува кај нив е нивниот безвременски дизајн. Моделот Samba носи силен ретро вајб, но истовремено изгледа тотално модерно. Тие не ги следат минливите трендови, туку едноставно ги надживуваат.
Токму затоа можам да ги комбинирам со речиси сè – од спортски парчиња до чисти модни „statement“ комбинации. Како што можете да видите на сликата, најмногу сакам да ги носам со широки фармерки, кои лежерно паѓаат преку патиките и ја истакнуваат нивната чиста силуета.
На тоа додавам и впечатлива јакна – во овој случај со леопард принт, која му дава карактер и доза дрскост на целиот изглед. Под неа носам едноставна маичка или дуксер – без многу комплицирање. Во ваква комбинација, Samba OG делуваат како совршен, смирен контраст на посилните модни парчиња.
Одлични се и затоа што лесно се стилизираат на различни начини: со мини здолниште и „oversized“ блејзер за урбан шик изглед, со тренерки за лежерни денови, па дури и со фустан кога сакам малку моден „твист“. Секогаш функционираат беспрекорно.
Samba OG. не се само сезонско парче. Ги носам во пролет, лето, есен, па дури и во поблагите зимски денови. Еден ден со нив одам на кафе, следниот по обврски, а третиот на долга прошетка – тие секогаш се прилагодуваат на мојот ритам, а не обратно. Токму затоа, тие се едни од моите најомилени патики.
