Converse патиките се присутни на улиците, во музиката, спортот и поп културата веќе со децении. Речиси секој има барем еден пар во плакарот, а моделот Chuck Taylor All Star стана вистински класик кој лесно се препознава на прв поглед.
Кога првпат ја видов новата верзија наречена Chuck Taylor All Star Equip, веднаш ме привлече тоа што станува збор за еден вид освежување на легендата. Ова не се само уште едни обични Converse патики во нова боја, туку модел кој носи модерна интерпретација на иконската силуета и ја прилагодува на денешните потреби.
Веќе при отворањето на кутијата е јасно дека станува збор за патики кои зрачат со робусност. Горниот дел направен од поцврсти материјали дава впечаток на отпорност и долготрајност, а црната боја ги прави неверојатно сестрани. Иако веднаш се препознаваат како Converse, деталите на нив – подебелиот ѓон, поквалитетните шевови и чувството на цврстина – јасно покажуваат дека станува збор за модел кој е подготвен за посериозни предизвици од класичното платнeно издание. Влошката и внатрешната конструкција обезбедуваат подобра амортизација отколку што имав кај класичните модели, а тој баланс помеѓу цврстината однадвор и удобноста однатре всушност е она што најмногу ми се допадна кај овој модел.
Што се однесува до стилот, Converse Chuck Taylor All Star Equip е еден од оние модели кои буквално можат да се вклопат во речиси секоја комбинација. Секако, постојат и некои компромиси. Тие се потешки од класичните Converse, па не се идеални ако бараш супер лесна патика за лето. Исто така, кожата бара малку повеќе внимание и одржување, иако тоа од друга страна обезбедува поголема трајност.
Converse Chuck Taylor All Star Equip се патики кои носат совршена рамнотежа помеѓу безвременскиот дизајн и модерните барања. Ако ги сакаш Converse, но бараш нешто поробусно и поудобно, верувам дека овој модел ќе ти биде полн погодок, а можеш да ги најдеш во Buzz продавниците или онлајн.
