Летото е создадено за уживање без стрес, со лесна облека, енергични бои и чувство на удобност кое ве следи во текот на целиот ден. Во најновиот блог пост, избрав комбинација која за мене опфаќа сѐ што треба да има еден топол ден: стил, свежина и функционалност.
Океј, знам дека многумина сѐ уште не ги разбираат Crocs папучите, но да бидеме искрени… тие се удобноста за која не сте знаеле дека ви недостасува. Пар Crocs папучи кои веднаш се истакнуваат со својот динамичен дизајн и уникатна силуета – поинаква од сѐ што сме навикнале да гледаме. Мермерните бои даваат визуелен ефект што го привлекува погледот, но без да ја изгубат практичната природа што го прави овој модел идеален за долги денови во движење.
Да не ги спомнувам приврзоците кои на Crocs папучите им даваат потполно персонализиран изглед. Ултра удобни се, водоотпорни и совршени за секакви летни прилики – од базен до плажа па сѐ до урбаните градски улици.
За да го комплетирам изгледот, ги искомбинирав со Nike шорцеви за капење, совршени за високи температури и тоа свежо чувство што го сакате кога сте близу вода. Nike маицата во сина боја природно се усогласува со тоновите на Crocs папучите и ведрото летно небо. И за крај, се разбира, додадов качкет од New Era.
Се трудам да ја пренесам магијата на летото насекаде – во друштво, на фестивали, плажи, доцни ноќни капења, планински прошетки и преку шарени аутфити. Затоа што летото не е само годишно време, тоа е состојба на умот што се покажува и низ стилот.
Овој аутфит е за оние кои не сакаат да избираат помеѓу удобност и изглед – бидејќи со вистинска комбинација, ги добивате и двете.
Crocs папучите и сѐ останато можете да ги најдете во BUZZ продавниците и онлајн.
До следен пат,
