Како и досега, водечките светски брендови подготвуваат новитети за сезоната есен/зима 22, која секогаш со задоволство ја испраќаме. Додека ги проверуваме новите колекции и се обидуваме да откриеме кои трендови ќе ги одбележат деновите што ни претстојат, не можеме а да не се навратиме на актуелните случувања од sneaker светот.
Одлични вести овојпат ни доаѓаат од брендот со „трите црти”. adidas NMD_V3 силуетата е ажурирана и е подготвена да го придружува секој чекор на урбаните истражувачи. Создаден е за сите оние кои бунтовно шетаат по улиците на градот во потрага по нови хоризонти. Доколку сте љубители на футуристичката естетика, ова се патики кои дефинитивно треба да ги имате во вашата колекција.
Од 2015 година, кога adidas Originals премиерно го претстави својот прв модел NMD и постави нови стандарди во креирањето на спортски патики, до денес поминаа нешто повеќе од шест години. Најновото издание на NMD го задржува својот идентитет, освежувајќи ги деталите во горниот дел со современи материјали и бои кои внесуваат енергија во секоја облека. Препознатливиот дизајн од минатото во комбинација со современата визија за иднината носи оригинален, футуристички изглед на патики кој не може да остане незабележан. Средниот ѓон со перничиња направени од Boost пена е одговорен за извонредното чувство на удобност, кое е исклучително меко и реагира при движење, па секој чекор во овие патики изгледа како одење по облаци.
Премиум изгледот на горниот дел се постигнува со избор на флексибилен и издржлив текстилен материјал кој делумно е направен од Parley Ocean пластика собрана од океанските површини и рециклирана според најсовремените стандарди. Ова е чекор напред кон поеколошкo производство, со што adidas има за цел да го намали количеството отпадни материјали во производството, да придонесе за чистење на океаните и зелените површини и да го намали глобалното влијание на загадувањето. Затоа и не е чудно што оваа футуристичка силуета е чекор понапред, не само во дизајнот, туку и во модерниот метод на производство.
Боите кои доминираат кај моделите NMD_V3 целосно ги следат трендовите во урбаниот аутфит. Комбинацијата на неутрални тонови во основата и впечатливи бои на истакнатите делови од горниот дел лесно ќе се вклопат во секој аутфит.
Создавањето нови патеки никогаш не било полесно, особено кога сте во adidas NMD_V3. Подгответе се за возбудлива иднина и сето она што таа го носи. Побарајте го вашиот пар NMD во продавниците на Buzz или online.
Тимот на Buzz
